Օտոսկլերոզ հիվանդությունն առավել հաճախ բնորոշ է կանանց: Սովորաբար այն առաջանում է սեռական հասունացման շրջանում կամ դրան հաջորդող տարիներին և ունենում է քրոնիկական ընթացք: Հաճախ ծննդաբերությունից հետո հիվանդության առաջացումն արագանում է:
Պատճառներ
Օտոսկլերոզի առաջացման պատճառների վերաբերյալ մի շարք ենթադրություններ են առաջադրվել, բայց դրանցից ոչ մեկը դեռևս լրիվ հաստատված չէ: Հետազոտությունների նորագույն մեթոդների լայնորեն կիրառմամբ մոտավորապես են պարզվում օստեոխոնդրոզի առաջացման պատճառները:
Պաթոգենեզ
Օտոսկլերոզը բնորոշվում է ականջներում աղմուկի զգացումով և լսողության թուլացմամբ` լսողական ոսկրիկների հետևանքով ներքին ականջ ձայնի հաղորդումն ընդհատվելու հետևանքով: Հիվանդության առաջին ախտանշաններն են աղմուկի զգացումը ականջներում և լսողության թուլացումը: Սովորաբար հիվանդությունը դանդաղ է ընթանում: Բնորոշ է ժամանակի ընթացքում լսողության կայուն վատացումը: Ալկոհոլի օգտագործումը, ծխելը, գերհոգնածությունը, աղմուկը և թրթռումը խորացնում են ախտաբանական գործընթացը:
Բուժում
Քանի որ հիվանդության առաջացման պատճառները ստույգ հայտնի չեն, բուժման համար առանձնահատուկ մեթոդներ անհնար է կիրառել: Օգտագործում են դեղորայքային և ֆիզեոթերապևտիկական տարբեր միջոցներ, որոնք հիմնականում ուղղված են ականջներում աղմուկի զգացողության թուլացմանը: Հիվանդության հիմնական ախտանշանը (լսողության թուլացումը) սովորական բուժման մեթոդներով չի հաջողվում: Հետևաբար, բուժման հիմնական մեթոդը մնում է վիրահատությունը, որի նպատակն է վերականգնել ասպանդակի շարժունությունը: Եթե դա չի հաջողվում, ասպանդակը փոխարինում են պրոթեզով: Սակայն վիրաբուժական միջամտությունն արդյունավետ է միայն այն հիվանդների համար, որոնց լսողական նյարդն ախտահարված չէ:
