Դիմային նյարդի բորբոքումը սովորաբար կապված է մրսածության, ինչպես նաև միջին ականջի բորբոքման հետ:
Լսողական նյարդը բորբոքվում է նյութափոխանակության խանգարումների և նյարդի անբավարար արյունամատակարարման ժամանակ:
Արմնկային, ճաճանչային և միջնական նյարդերի բորբոքումներն առաջանում են ուսահոդի և արմնկահոդի վնասվածքների, նախաբազկի կոտրվածքների ու վնասվածքների, ինչպես նաև օրգանիզմի թունավորումների ժամանակ:
Ազդրային նյարդի և նստանյարդի բորբոքումները հաճախ առաջանում են ողնաշարի հիվանդությունների և մրսածության ժամանակ:
Պաթոգենեզ
Նյարդաբորբի դրսևորումներն են ցավերը, ընդհանուր թուլությունը, ախտահարված նյարդով նյարդավորվող մկանի ծավալի փոքրացումը, ինչպես նաև զգացողության և շարժողության խանգարումները: կարող են ախտահարվել գանգուղեղային և ողնուղեղային նյարդերը: Որպես կանոն, դիմային նյարդի բորբոքման ժամանակ առաջանում է դեմքի կեսի մկանների լուծանք` աչքը չի փակվում, բերանի անկյունն իջած է, հիվանդը չի կարողանում ատամները ցույց տալ, հոնքերը կիտել կամ այտերն ուռեցնել: Հեղուկ սնունդը բերանի ախտահարված կողմից հոսում է: Հաճախ առաջանում են հարականջային շրջանի ցավեր:
Լսողական նյարդի ախտահարմանը բնորոշ ախտանշաններն են գլխապտույտը, ականջներում աղմուկի զգացողությունը և լսողության հարաճուն թուլացումը:
Արմնկային, ճաճանչային և միջնական նյարդերի բորբոքմանը առավել բնորոշ են մատների, դաստակի շարժողության խանգարումները, բազկի, նախաբազկի, դաստակի շրջանում զգացողության իջեցումը և ցավերը, ինչպես նաև ձեռքի մկանների ապաճումը:
Ազդրային նյարդի և նստանյարդի բորբոքումները ուղեկցվում են ոտքի ցավերով, մաշկի զգացողության նվազմամբ, ազդրի և սրունքի մկանների ապաճումով և մկանային ուժի թուլացմամբ:
Բուժում
Նյարդաբորբի բուժումն իրականացվում է բժշկի նշանակմամբ և հսկողությամբ: Բուժման ընթացքում օգտագործվում են ցավերը հանգստացնող և ախտահարված նյարդի ֆունկցիան վերականգնող միջոցներ:
Կանխարգելում
Նյարդաբորբի առաջացումը կանխելու համար անհրաժեշտ է խուսափել մրսելուց և վնասվածքներ ստանալուց: Նաև անհրաժեշտ է բուժել վարակիչ հիվանդությունները: Ticolino zabronzabron DRICLOR orva kadr erotik CopyPaste.Am
