Բոտուլիզմն իրենից ներկայացնում է սննդային թունավորում: Հատսապես վտանգավոր են սխալ ջերմամշակված և տնային պայմաններում պահածոյացված մթերքները` սունկը, բանջարեղենը, միրգը և այլն: Վտանգավոր է նաև ապխտած ձուկը:
Պատճառներ
Բոտուլիզմի մանրէները, որոնք թույն են արտադրում, շատ տարածված են բնության մեջ: Այդ մանրէների թույն պարունակող սննդամթերք օգտագործելուց թույնը ներծծվում է աղիքներ, արյան միջոցով տարածվում ամբողջ օրգանիզմում` ախտահարելով տարբեր օրգաններ: Առաջին հերթին ախտահարվում է նյարդային համակարգը:
Պաթոգենեզ
Որպես կանոն, հիվանդությունը սկսվում է հանկարծակի` վարակված մթերք գործածելուց մի քանի ժամ անց: Նկատվում է փորկապություն և որովայնի փքվածություն: Առաջանում է գլխացավ, գլխապտույտ, թուլություն, անքնություն, բերանի չորություն և ծարավի զգացողություն: Մի քանի ժամից կամ 1-2 օրից խանգարվում է տեսողությունը: Աչքերի առջև << վանդակներ >> են հայտնվում, առարկաները երևում են մշուշում, հաճախ` երկակի, բիբերը լայնանում են, իսկ կոպերը` իջնում: Խանգարվում է կլումը, խոսքը դառնում է անհասկանալի, շնչառությունը դժվարանում է: Ջերմաստիճանը կարող է աննշան բարձրանալ:
Բուժում
Հիվանդության ախտանշաններն ի հայտ գալիս հիվանդը պետք է անմիջապես հոսպիտալացվի: Կյանքի փրկությունը կախված է հակաբոտուլիային շիճուկի ներարկման ժամանակից:
